María Josefa Molero
Mayo foi unha química nada en Isaba o 23 de xaneiro de 1921. Foi profesora de
investigación do CSIC, desenvolvendo a maior parte da súa actividade científica
no Instituto de Química-Física Rocasolano de Madrid. É considerada unha
pioneira da cromatografía española, un método químico de separación de
mesturas.
Josefa fixo a carreira de Química na Universidade Central de Madrid en só tres anos (1940-1942). Tras rematar os seus estudos, obtivo un posto non remunerado como mestra auxiliar na Cátedra de Química Técnica. O seu traballo como mestra non lle permitía gañarse a vida e daba clases particulares de química para sobrevivir.
En 1948, Josefa
Molero doctorouse logrando un Premio Extraordinario e, debido aos seus
excelentes resultados na aplicación de electrodos de mercurio na súa tese
doutoral, obtivo o posto de colaboradora no Instituto Rocasolano. En 1950, o
Instituto abriu un programa para que mozos investigadores viaxaran ao
estranxeiro e Josefa mudouse a Oxford, onde traballou nun laboratorio dirixido
por Cyril Norman Hinshelwood, quen foi galardoado co Premio Nobel de Química en
1956. Hinshelwood non agradeceu a
chegada de Josefa por ser muller, pero a investigadora perseverou en vencer os prexuízos do
profesor.
Cando regresou de
Gran Bretaña, Josefa puxo en práctica o que vira no estranxeiro e participou na
construción do primeiro cromatógrafo de gases que houbo en España. Nese
momento, en 1951, non tiñan diñeiro para construír ferramentas, polo que
fixeron un “cromatógrafo caseiro” usando os recursos que tiñan ao seu redor.
Ademais, puxo en marcha unha nova liña de investigación no Instituto de Química-Física
sobre reaccións de pirólisis e oxidación a baixa temperatura de compostos
orgánicos en fase gasosa. Tamén fundou e dirixiu o Departamento de Cinetoquímica ata a súa xubilación en 1986.
 |
| Primeiro cromatógrafo de gases construído no Departamento de Cinetoquímica. |
En 1959 foi á
Universidade de Sheffield para estudar
as técnicas de reaccións químicas lixeiras co Premio Nobel de Química George
Porter. Desenvolveu métodos de reaccións químicas por cromatografía de gases e
implementounos, por exemplo, na análise de viños e outras bebidas alcohólicas.
Josefa percorreu un
longo camiño na ciencia, superando mil obstáculos. Pasou por todos os cargos
desta carreira: bolseira, asistente, profesora, secretaria, investigadora e
directora de departamento. Publicou 76 traballos de investigación e recibiu
varios premios polo seu traballo, entre eles o Premio Alfonso X O Sabio do
CSIC, o Premio Perkin Elmer Hispania á Mellor Cromatografía de Gases, e a Medalla de
Química da Real Sociedade Española de Física e Química.
Josefa Molero Mayo morreu en Madrid en 2011 á idade de 90 anos. O Parque das Pioneiras, en Pamplona, rende homenaxe a esta química e a outras cinco mulleres, todas elas símbolos da loita pola igualdade de xénero.
Se queres aprender
máis sobre esta fascinante muller podes ler os seguintes artigos:
.jpg)
.jpg)
No hay comentarios:
Publicar un comentario