Onte, mércores 30 de marzo, celebramos a Carreira Solidaria "Kilómetros de Solidariedade" de Save the Children.
O alumnado de 4º, 5º e 6º de Primaria participaron recorrendo o circuito nas pistas do cole.
Neste vídeo podedes ver como foi a xornada:
CARREIRA SOLIDARIA "SAVE THE CHILDREN"
Este curso volvemos a participar no Proxecto Kilómetros de Solidariedade da organización Save the Children. Esta será a XVIII edición da carreira escolar Kilómetros de Solidariedade.
Nesta edición os fondos recaudados serán destinados para a loita pola supervivencia infantil no Corno de África.
A data na que celebraremos a carreira no cole será o mércores 30 de marzo. Este ano participará o alumnado de 4º, 5º e 6º de Educación Primaria.
No seguinte vídeo presentamos a Carreira Solidaria:
14 M: DÍA INTERNACIONAL DAS MATEMÁTICAS.
O pasado luns 14 de marzo conmemorouse o Día Internacional das Matemáticas, proclamado pola UNESCO no ano 2019. Nesta celebración proponse cada ano un tema novo para animar á participación, espertar a creatividade e salientar as relacións entre as matemáticas e todo tipo de campos, conceptos e ideas.
Neste 2022 o tema é As matemáticas que unen que foi proposto pola estudante canadense Yulija Nesterova, sinalando que é unha linguaxe común que todos temos.
Neste contexto non podíamos deixar pasar a oportunidade de dedicar a nosa actividade da Científica Misteriosa desta semana a unha matemática.
Atréveste a pescudar? Permanece atento ás pistas.
11 F: PARTICIPANTES NA CUARTA CIENTÍFICA MISTERIOSA, JANE GOODALL
Xa temos a lista de investigadores que descubriron á científica misteriosa da cuarta semana, Jane Goodall.
Parabéns aos participantes!
11 F: JANE GOODALL, A CUARTA CIENTÍFICA MISTERIOSA
Jane Goodall é unha etóloga inglesa e Mensajera de la Paz de la Organización de las Naciones Unidas. É unha pioneira no estudo dos chimpancés salvaxes e coñecida polo seu estudo de sesenta anos sobre as interaccións sociais e familiares dos chimpancés salvaxes no parque nacional Gombe Stream en Tanzania.
É a fundadora do Insituto Jane Goodall e fixo un gran traballo en materia
de benestar animal.
Pertence ao comité do Proxecto dos Dereitos Humanos dende a súa fundación en 1996.
Jane Goodall naceu o 3 de abril de 1934 en Londres. Pasou a súa infancia e
xuventude en Bournemouth, no sur de Inglaterra, rodeada de animais e soñando
con escribir sobre os animais en África. Aos 23 anos viaxou a Kenia, onde
traballou co antropólogo Louis Leakey ata que en 1960 foi enviada a Gombe,
Tanzania, coa misión de investigar por primeira vez aos chimpancés salvaxes.
Coa compañía da súa nai e dun cociñeiro montou a súa tenda de campaña na selva
e comezou un proxecto de investigación que en principio ía durar 6 meses e
aínda continúa aproximadamente 60 anos despois.
Nas súas investigacións Jane observou que os chimpancés tiñan personalidades únicas, que eran capaces de ter emocións, condutas como abrazos, bicos, cóxegas... algo contrario ao que se pensaba naquela época. Pero tamén observou condutas agresivas con outros animais.
Jane Goodall diferenciouse doutros científicos poñendo nome aos animais dos
seus estudos en vez de asignarlles un número. Con isto conseguiu ademais ter
unha maior conexión cos chimpancés e convertirse no único ser humano aceptado por
unha sociedade de chimpancés ata o momento.
Se queredes investigar máis sobre Jane seguide o seguinte enlace á paxina web do Instituto Jane Goodall onde atoparedes vídeos, fotografías, enlaces de interese. Tamén poderedes descubrir Gombe con imaxes a 360º seguindo os enlaces a Google Street View.
5ª Etapa do Camiño: Palas de Rei - Melide
No mes de marzo estamos facendo a 5º etapa do Camiño entre Palas de Rei e Melide, uns 15 km aproximadamente.
Como novidade, o alumnado de 4º a 6º de Primaria, están intentando facer algunhas das voltas do noso Camiño correndo!!
Bo Camiño!!
OS ALBERGUES DAS MULLERES QUE ABREN CAMIÑO
Con motivo da conmemoración do 8 de marzo, Día Internacional da Muller, renomeamos as nosas aulas como albergues co nomes de mulleres relevantes en diferentes ámbitos e ás que poderíamos coñecer nas diferentes etapas do Camiño de Santiago.
.jpg)
Neste vídeo podedes ver os nosos albergues:
8M: O NOSO MURAL NO DÍA INTERNACIONAL DA MULLER
Outra das actividades que está levando a cabo o noso alumnado para conmemorar o Día Internacional da Muller é unha mural cheo de cor.
8 M: DÍA DA MULLER
Hoxe conmemoramos o Día da Muller con moitas novidades.
Unindo o noso proxecto co da biblioteca, O Camiño de Santiago, creamos os nosos albergues dedicados a mulleres relevantes ás que poderíamos coñecer facendo o camiño. Percorremos os nosos corredores facendo parada nos albergues para descubrir a estas mulleres e ás súas achegas en diferentes ámbitos: educativo, social, científico, literario,...
Pouco a pouco iremos dando a coñecer a cada unha das mulleres e ás investigacións realizadas polo alumnado sobre a súa vida e obra.
A partir de hoxe tamén teremos operativaa nosa caixa do correo da igualdade. Un espazo no que o alumnado poderá compartir as súas inquedanzas relacionadas con temas de igualdade, tanto a modo de denuncia como para iniciar a reflexión e debate.
Tamén está preparada para viaxar a nosa biblioteca móbil con diferentes recursos sobre igualdade: libros, xogos, ... e que irá medrando aínda máis día a día.
E como non podía ser doutro xeito, as/os nosos/as pequenos/as artistas encheron o día de cor e alegría.
11 F: PARTICIPANTES NA TERCEIRA CIENTÍFICA MISTERIOSA, ÁNGELES ALVARIÑO
Xa temos a lista de investigadores que descubriron á científica misteriosa da terceira semana, Ángeles Alvariño.
Parabéns aos participantes!
11 F: ÁNGELES ALVARIÑO, A TERCEIRA CIENTÍFICA MISTERIOSA
Xusto na semana do décimo aniversario da
botadura dun dos buques oceanográficos máis avanzados da flota española, que
tivo lugar o 24 de febreiro de 2012, investigamos
sobre a oceanógrafa pioneira que lle da nome, Ángeles Alvariño.
 |
| Buque oceanográfico Ángeles Alvariño |
María Ángeles Alvariño González naceu o 3 de
outubro de 1916 en Serantes (Ferrol). Con só tres anos lía e estudiaba música. En
1933 rematou o Bachillerato Universitario en Ciencias e Letras e marchou a
Madrid para estudiar Ciencias Naturais pero por mor da Guerra Civil pecharon as
aulas e Ángeles regresou a Ferrol e aproveitou ese tempo para aprender francés
e inglés.
En 1953 gañou unha bolsa de estudios para
seguir estudiando estes pequenos organismos no Reino Unido, onde se converteu
na primeira muller científica en traballar a bordo dun barco británico de
investigación, o Sarsia. Tres anos máis tarde recibiu outra bolsa para
continuar coas súas investigacións en Estados Unidos baixo a tutela doutra
pioneira, Mary Sears, que foi quen, impresionada coa súa obra, a recomendou
para ocupar un posto no Instituto Scripps de Oceanografía, en California, onde
permaneceu ata 1970 analizando miles de mostras de plancton de todo o mundo.
Ángeles describiu 22 novas especies de
plancton.
Ademais de pioneira oceanógrafa foi unha
loitadora pola igualdade de xénero e en 1977 demandou ao goberno de Jimmy
Carter, que prometera políticas a prol da igualdade, por considerar que non se
lle facilitaba un ascenso polo feito de ser muller.
En 2011, cumprindo o seu desexo de que o seu
legado científico volvese a España, Ángeles Alvariño reuniuse cos responsables
da Concellería de Cultura do Concello da Coruña para doar a súa biblioteca
científica, formada por un millar de libros, ademais de mapas, debuxos e a
correspondencia que mantivo con científicos de todo o mundo.
En 2015, converteuse na primeira investigadora muller homenaxeada o 1 de xuño, data na que se celebra o Día da Ciencia en Galicia.
En 2018 foi incluída na Táboa Periódica das Científicas na que estamos a traballar.
O Paseo da Ciencia do parque de Santa Margarita conta
cun monolito na súa honra
Se queres aprender máis sobre esta pioneira podes ver os seguintes vídeos:
Tamén podes ler os seguintes artigos:
11 F: CIENTÍFICA MISTERIOSA DA TERCEIRA SEMANA
As pistas para descubrir á terceira científica misteriosa son:
11 F: PARTICIPANTES NA SEGUNDA CIENTÍFICA, ANTONIA FERRÍN MOREIRAS
Xa temos a lista de investigadores que descubriron á científica misteriosa da segunda semana, Antonia Ferrín Moreiras.
Atopade a vosa estrela.
Parabéns aos participantes!
Suscribirse a:
Entradas (Atom)
YAYOI KUSAMA. Mulleres que abren camiño nas artes.
Yayoi Kusama foi a artista protagonista do noso proxecto Mulleres que abren camiño no mes de outubro. Aquí tedes dúas pequenas presentación...
-
O alumnado de Primaria agasallou ao de Infantil con fachos feitos por eles para que poidan realizar a actividade da "Ruta do Facho Olím...
-
Para comezar o curso 2023-2024 retomamos a figura da artista galega Maruja Mallo. Na seguinte presentación poderedes coñecer un pouco máis ... -
Xa temos as catro pistas sobre a científica misteriosa desta semana:
