PRIMEIROS AUXILIOS: CANCIÓN DE EDUCACIÓN INFANTIL

O alumnado de 6º de Ed. Infantil cantaron e escenificaron a RCP cos seus monecos.

A letra da canción cantoulla o alumnado de 4º de Primaria.

PRIMEIROS AUXILIOS: CANCIÓN DE REANIMACIÓN

   Xa temos preparada a presentación coa canción para cantar esta semana.

SEMANA DOS PRIMEIROS AUXILIOS

Esta semana faremos nas aulas varias actividades para que o alumnado coñeza os Primeiros Auxilios e a súa importancia.

Desde Infatil ata 6º de Primaria, as nenas e nenos coñecerán as técnicas básicas sobre os Primeiros Auxilios.

A mestra Lara preparou esta canción para as sesións.

RECREOS ACTIVOS

 

   Nos recreos o noso alumnado ten a posibilidade de elixir un dos moitos xogos que temos para eles.

  Cada aula escolle o xogo para cada recreo.

  Preparamos este vídeo para que vexades que activos son os nosos recreos.

  Premede na imaxe.

MÁIS RÁPIDAS, MÁIS ALTAS, MÁIS FORTES

 O semana pasada o noso alumnado de quinto tivo a oportunidade de participar no programa “Máis rápidas, máis altas, máis fortes” posto en marcha conxuntamente polas concellerías de Educación e de Deportes do concello da Coruña co obxectivo de dar a coñecer as diferentes disciplinas deportivas que se desenvolven na cidade, a través de charlas informativas, impartidas por expertas mulleres deportistas, e dunha parte práctica.

   

Tivemos a sorte de que o programa arrincase no noso centro. As deportistas convidadas para compartir tempo, deporte e reflexións co alumnado foron Margot Garnelo e Paula Iglesias, dúas atletas do club Riazor Atletismo. Con elas o alumnado de 5º de Educación Primaria probou a marcha atlética e tamén o lanzamento de xavelina.

A concelleira Mónica Martínez acudiu a este arranque do programa. 

  

O lema do programa espertou curiosidade no noso alumnado, “Máis rápidas, máis altas, máis fortes”. CITIUS, ALTIUS, FORTIUS é unha locución latina que significa “Máis rápido, máis alto, máis forte” e é o lema dos Xogos Olímpicos dende os seus inicios en 1896 ata a actualidade.

Pero, puideron as mulleres participar nos Xogos Olímpicos tanto na antigüidade como na actualidade? Como era a súa participación e en que disciplinas?

Axúdanos a pescudar sobre este interesante tema. Para iso propoñémosvos unha serie de preguntas ás que trataremos de dar resposta. Podedes recoller unha ficha de participación no taboleiro da Caixa do correo violeta (ao lado da biblioteca) e unha vez que teñades as respostas ás preguntas deixalas na Caixa do correo violeta.

Tamén vos propoñemos os visionado do seguinte tráiler do documental HIJAS DE CYNISCA, un documental moi premiado que se centra na desigualdade de xénero no deporte. Nel contan a súa historia mulleres que son referentes e que conseguiron grandes logros na súa carreira. 

O deporte é un dos ámbitos onde máis se discrimina á muller dende a súa infancia e onde menos conscientes somos desta discriminación.