23 DE ABRIL: ARTE E LITERATURA: FRIDA KAHLO, LA ARTISTA QUE PINTABA CON EL ALMA.

Como te sentirías se tiveras que sufrir polas dolorosas consecuencias dun accidente moi grave e polos efectos, non menos dolorosos, dunha enfermidade infantil? Eso é o que lle pasou a Frida Kahlo. Pero no se deixou entristecer, atopou na pintura unha paixón a través da cal podía superar o sufrimento e encher a súa vida de cores. Grazas ao seu entusiasmo, foi a primeira artista mexicana en exhibir as súas obras no Museo de Louvre e converteuse nunha artista recoñecida en todo o mundo. A vida de Frida Kahlo é unha historia asombrosa que se move entre grandes risas e ríos de bágoas.

Autor: Javier Alonso López.

Editorial: Shackleton Books Editorial. 

Fonte: https://shackletonbooks.com/kids/50-frida-kahlo.html

No seguinte enlace poderás ver o conto animado: Frida Kahlo da colección Mis pequeños héroes. 

23 DE ABRIL: ARTE E LITERATURA: PEQUEÑA Y GRANDE FRIDA KAHLO.

Trátase do segundo título dunha colección de contos coa que nenas e nenos descubrirán quen eran e qué lograron as grandes mulleres da historia contemporánea. Deseñadoras, pintoras, aventureras, científicas... Mulleres únicas e maravillosas das que aprender e coas que identificarse. Mulleres que, como Frida, converteron un pequeno sono nunha gran historia. 

A súa autora é María Isabel Sánchez Vegara e o ilustrador Gee Fan Eng, de Alba Editorial. 

Idioma: castelán. 

23 DE ABRIL: ARTE Y LITERATURA: MUJERES EN EL ARTE

Autores: Gianni Palitta e Stefano Roffo

Editorial: Tikal

Idioma: Castellano

Idade: Adultos

Este libro estaría clasificado para lectura na idade adulta pero no centro serviunos como fonte de información para o desenvolvemento do proxecto.

Ofrece un percorrido pola obra das artistas, en gran parte esquecidas. Dende Calipso ás grandes artistas de performances (Marina Abramovic, Ana Mendieta, Takako Saito ou Vanessa Beecroft) pasando por Sodfonisba Anguissola ou Maruja Mallo.

Fonte das imaxes: www.editorialsusaeta.com

23 DE ABRIL: ARTE E LITERATURA: MUJERES EN EL ARTE

 Título: Mujeres en el Arte. 50 intrépidas creadoras que inspiraron al mundo.

Escritora e ilustradora: Rachel Ignotofsky.

Editorial: Nórdica Libros, Capitán Swing.

Neste libro a autora, a ilustradora norteamericana Rachel Ignotosfsky, ofrece unha selección de 50 creadoras de diferentes ámbitos e non só pintoras. Así, por exemplo, introduce a ilustradoras como Beatrix Potter, arquitectas como Zaha Hadid, compositoras como Wendy Carlos, diseñadoras gráficas como Paula Scher, deseñadoras como Belle Kogan, artistas textiles como Harriet Powers, ceramistas como Nampeyo ou fotógrafas e cineastas.

Entre a selección de pintoras destacan Tarsilia do Amaral, Rosa Bonheur, Frida Kahlo, Georgia O’Keefe ou Tamara de Lempicka.

Obviamente, nesta selección inflúe o feito de que o libro estea realizado dende Estados Unidos polo que, entre outros aspectos, recolle un maior número de artistas estadounidenses e latinoamericanas. E, polo tanto nel botaremos en falta artistas como Maruja Mallo, Luisa Roldán, Carmen Laffon, Rosario Weiss,...

Se embargo esta perspectiva norteamericana tamén nos aporta o punto de vista das mulleres pertencentes a determinadas comunidades  que tiveron que enfrontarse a unha dobre marxinación: ser muller e pertencer a comunidades como as indíxenas, afroamericana, etc. Así recolle a artistas como Nampeyo, nativa americana que recuperou a cerámica tradicional dos indios hopi, ou as afroamericas Harriet Powers ou Augusta Savage, que gañou unha bolsa para estudar arte en París en 1923 e que lle foi denegada cando viron a cor da súa pel.

Neste libro cada artista se representa a dobre páxina. Á dereita un texto compila unha breve biografía vital e artística da creadora. Á esquerda Rachel Ignotofsky debuxa á artista rodeada das súas principais creacións. Tamén hai un marco no que se apuntan algúns dos feitos principais da vida das artistas, xunto con mencións de súas obras máis emblemáticas.

Inclúe tamén Inclúe datos estatísticos importantes e unha liña do tempo.

A autora, Rachel Ignotofsky, tamén é a creadora doutros dos libros: Mujeres de ciencia e Mujeres en el deporte. 

Fonte: Editorial Nórdica.

23 DE ABRIL: ARTE E LITERATURA: GALEGAS NAS ARTES

Nos vindeiros días recomendaremos os seguintes libros:

Autora: Isabel Blanco 

Ilustradora: María Lapido

Editorial:

Idioma: Galego

Editorial: Belagua

Este libro ofrece un percorrido pola biografía de 21 mulleres galegas do mundo das artes plásticas e visuais: fotógrafas, pintoras e escultoras (nacidas entre o final do século XIX e a metade do século XX), que se internaron no eido das artes coa forza do seu talento e o seu espírito de liberdade.

O libro estruturase cunha ilustración co retrato da pintora na páxina da esquerda e a súa biografía na páxina da dereita.

Segundo a súa autora, as mulleres viviron durante séculos silenciadas e ignoradas no mundo da arte. Ata finais do século XIX as mulleres artistas só foron aceptadas como artesas, un status social afastado do recoñecemento público, do prestixio e da Academia, á que non accederon ata case principios do século XX. Tratábase de fillas ou irmás de pintores e escultores, que aprendían con eles nos talleres familiares.  Só se pertencían ás clases máis adiñeiradas, as mulleres con inquietudes artísticas tiñan como mestres a artistas varóns consagrados e chegaron a ter éxito como damas da Corte con recoñecemento internacional. De calquera xeito, a dependencia dos homes por parte das mulleres artistas era absoluta. 

En España, a Real Academia de Belas Artes de San Fernando fúndase o 12 de abril de 1752 con sede na Casa da Panadería da Praza Maior de Madrid, e trasládase no ano 1773 á rúa Alcalá, onde permanece. O cambio de localización foi debido á falta de espazo ante a numerosa incorporación de alumnado cada ano. Entre eles, ningunha muller. Como en todos os campos do saber, daquela as mulleres non podían acceder a eles como alumnas nin ocupar postos de relevancia. No caso da formación artística, éranlles impedidos determinado tipo de estudos, como a copia ao natural. 

O seu futuro artístico era practicamente inexistente. E, porén, moitas foron as mulleres que se abriron paso no eido das artes, coa forza do seu talento e o seu espírito de liberdade. 

23 DE ABRIL: DÍA DO LIBRO

 Con motivo da conmemoración hoxe do Día do Libro e do Día das Letras Galegas, o vindeiro 17 maio,  a partir de hoxe publicaremos recomendacións de lecturas relacionadas co noso proxecto ou coa temática de igualdade e que forman parte da bibliografía que estamos a usar na posta en práctica do proxecto Mulleres que abren camiño nas artes. 

Feliz día do Libro 2023!!!!

11 F: CUARTA CIENTÍFICA MISTERIOSA

 Xa está publicada as pistas que nos levará a descubrir que científica misteriosa se agocha esta semana na actividade da Táboa Periódica das Científicas:

11 F: TERCEIRA CIENTÍFICA MISTERIOSA: ROSA MARÍA MENÉNDEZ

 Rosa María Menéndez López naceu en Cudillero, Asturias, o 12 de febreiro de 1956. É científica e a primeira muller que presidiu o Consejo Superior de Investigaciones Científicas (CSIC), cargo que desempeñou dende novembro de 2017 ata xuño de 2022.

Nun principio Rosa María Menéndez pensaba dedicarse á docencia pero despois de licenciarse en Química orgánica na Universidade de Oviedo en 1980 e de doutorarse en 1986, empezou a traballar no CSIC, en el Instituto Nacional del Carbón de Oviedo. En maio de 2003 accedeu á escala de Profesores de Investigación do Consejo Superior de Investigaciones Científicas.

O seu traballo como investigadora está relacionado cos materiais e a enerxía, ocupándose da optimización dos procesos de conversión do carbón e revalorización dos seus derivados, iniciando unha liña de investigación sobre o grafeno e a súa utilización en varias aplicación, como o almacenamento de enerxía e os reactores nucleares de fusión, e tamén no campo da biomedicina

Entre 2003 e 2008 dirixiu o Instituto Nacional do Carbón (INCAR), e entre maio de 2008 e febreiro de 2009 ocupou o cargo de Vicepresidenta de Investigación Científica e Técnica do CSIC.

O 17 de novembro de 2017, a proposta do Ministerio de Economía y Competitividad, o goberno español aprobou o nomeamento de Rosa María Menéndez como presidenta do Consejo Superior de Investigacións Científicas (CSIC), converténdose na primeira muller que preside o maior organismo público de investigación de España, que conta con 13.000 investigadores, dos que só un 35% son mulleres. Cesou en xuño de 2022, sendo substituída por outra muller, María Eloísa del Pino Matute.

É unha das persoas promotoras da Fundación Margarita Salas, para a defensa e promoción do papel da muller na ciencia.

Para saber máis podes ver os seguintes vídeos:

- Explícamelo como si fuese un niño: Rosa Menéndez:

- ¿Qué é o grafeno?

- Entrevista a Rosa María Menéndez na que tamén nos fala de como descubriu a súa vocación científica:

11F: SEGUNDA CIENTÍFICA MISTERIOSA: MARÍA ANTONIA BLASCO MARHUENDA

 

Naceu en Alicante en 1965. É unha bióloga molecular que dirixe en España o Centro Nacional de Investigacións Oncolóxicas (CNIO) dende o 22 de xuño de 2011.

Licenciouse en Ciencias Biolóxicas pola Universidade de Valencia e obtivo o doutorado en 1993 en Bioquímica e Bioloxía Molecular pola Universidade Autónoma de Madrid baixo a dirección de Margarita Salas Falgueras.

Dende 1993 a 1997 traballou como investigadora postoutoral no laboratorio da doutora Carol Greider no Cold Spring Harbor Laboratoy de New York.

En 1997 empezou a traballar como xefa de grupo e científica do Centro Superior de Investigacións Científicas (CSIC) no Departamento de Inmunoloxía e Oncoloxía.

En 2003 incorporouse ao Centro Nacional de Investigacións Oncolóxicas (CNIO) nese momento baixo a dirección do doutor Mariano Barbacid.

Dende 2011 é a directora do CNIP, unha institución na que case cincocentas persoas traballan na investigación do tratamento do cáncer.

Entre os méritos e recoñecementos recibidos nos últimos anos están:

-       2022 Doutora Honoris Causa por cuarta vez.

-       2021 Premio Mujeres Progresistas de Retiro en su IV edición.

-       2019 Premio Optimista Comprometida coa Ciencia

-       2018 Foi incluída na Táboa Periódia das Científicas

-       2017 Distinción da Generalitat Valenciana ao Mérito Científico.

-       2016 Premio Mujeres a Seguir, en la categoría Premio Especial a la Excelencia a la divulgación científica.

-       2014, Seleccionada para a primeira “Selección Española da Ciencia”, composta por trece científicos españoles destacados a escala internacional, pola revista Quo, en colaboración co Consejo Superior de Investigaciones Científicas e o Consejo Superior de Deportes.

No seguinte vídeo poderás ver a María Antonia Blasco falando da súa vocación e animando ás nenas a seguir a súa vocación: